فائل فوٹو

سیکیورٹی فورسز نے ضلع شمالی وزیرستان میں دو الگ الگ کارروائیوں میں نو خوارج کو ہلاک کر دیا۔

آئی ایس پی آر کے مطابق سیکیورٹی فورسز نے دو سالی میں خوارج کی موجودگی کی خفیہ اطلاع پر کارروائی کی۔

کارروائی کے دوران فوجی دستوں نے کامیابی سے خوارج کے ٹھکانے کا پتا لگاتے ہوئے چھ خوارج کو جہنم رسید کر دیا جبکہ دو خوارج کو گرفتار کر لیا گیا۔

خفیہ اطلاع کی بنیاد پر دوسری کارروائی ایشم میں کی گئی شدید فائرنگ کے تبادلے کے بعد سیکیورٹی فورسز نے تین خوارج کو ہلاک کر دیا جبکہ دو خوارج زخمی ہوئے۔

خوارج سے ہتھیار اور گولہ بارود بھی برآمد کیا گیا یہ خوارج سیکیورٹی فورسز کے خلاف دہشتگردی اور معصوم شہریوں کو نشانہ بنانے کی کارروائیوں میں ملوث تھے۔

علاقے میں دیگر خوارج کے خاتمے کیلئے کارروائیوں کا سلسلہ جاری ہے۔

ایک بیان میں آئی ایس پی آر نے ملک سے دہشت گردی کے ناسور کو ختم کرنے کے عزم کا اعادہ کیا ہے۔