وزیرتوانائی سردار اویس لغاری نے کہا ہے کہ حکومت توانائی کے شعبے کی مالی مشکلات کم کرنے اوراس کی ترقی کویقینی بنانے کیلئے پرعزم ہے ۔

انہوں نے ایک نجی نیوز چینل سے گفتگو کرتے ہوئے کہاکہ مستقبل قریب میں صارفین کو    بجلی کے نرخوں میں آٹھ سے دس فیصد تک کاریلیف ملنے کی توقع ہے ۔

سردار اویس لغاری نے کہاکہ حکومت توانائی کے شعبے کو درپیش مالی مسائل کے حل کیلئے پوری تندہی سے کام کررہی ہے جس میں آمدن اور شرح نمو میں اضافے اور ٹیکس کے نظام کو بہتربنانے پر  توجہ دی جارہی ہے ۔۔

انہوں نے اس بات پر زوردیاکہ حکومت بجلی چوری میں ملوث افسران کے خلاف عدم برداشت کی  پالیسی اختیار کرے گی۔