وزیرداخلہ محسن نقوی نے کہا ہے کہ پاکستان کینیڈا کے ساتھ مختلف شعبوں میں دوطرفہ تعلقات کو مزید فروغ دینے کا خواہشمند ہے۔
انہوں نے یہ بات کینیڈا کے رکن پارلیمنٹ طلیب نورمحمد اورکینیڈا میں آغا خان ڈویلپمنٹ نیٹ ورک کے نمائندے محمود ایبو کے ساتھ اسلام آباد میں ملاقات کے دوران کہی۔
ملاقات میں پاکستان ، کینیڈا تعلقات اور کینیڈا میں افغان مہاجرین کی دوبارہ آبادکاری پر گفتگو کی گئی۔
محسن نقوی نے کہا کہ آغا خان فائونڈیشن پاکستان میں سماجی واقتصادی ترقی کے مختلف اہم منصوبوں پرکام کررہی ہے۔
انہوں نے کہا کہ ہم باہمی تعاون سے ان منصوبوں کا دائرہ کار مزید وسیع کرنے کی کوشش کررہے ہیں۔
