موسمیاتی تبدیلی کے بارے میں وزیراعظم کی رابطہ کار رومینہ خورشید عالم نے موسمیاتی تبدیلی کے چیلنج پر قابو پانے کیلئے اجتماعی اقدامات پر زور دیا ہے۔
انہوں نے آج اسلام آباد میں ایک تقریب سے خطاب کرتے ہوئے قدرتی آفات سے پیشگی خبردار کرنے کے موثر نظام اور بروقت تیاریوں کیلئے عوام میں شعور اجاگر کرنے کی اہمیت پر زور دیا۔
انہوں نے کہا کہ ذرائع ابلاغ موسمیاتی تبدیلی کے حوالے سے آگاہی پیدا کرنے میں اہم کردار ادا کر سکتا ہے۔
