نائب وزیراعظم محمد اسحاق ڈار نے امور خارجہ اور داخلہ کی وزارتوں کو ہدایت کی ہے کہ وہ مراکش کشتی سانحے کے پاکستانی متاثرین کو بھرپور اور بروقت مدد کی فراہمی یقینی بنائیں۔

وہ آج (ہفتہ)  اسلام آباد میں افغان باشندوں کی تیسرے ملک منتقلی سے متعلقہ امور کے بارے میں ایک اجلاس کی صدارت کررہے تھے۔

اسحاق ڈار نے انسانی اسمگلنگ کے مسئلے کے حل کیلئے مربوط حکومتی ردعمل کی ہدایات بھی جاری کیں۔

اجلاس میں مراکش کے سمندر میں کشتی ڈوبنے کے واقعے کا تفصیلی جائزہ بھی لیا گیا جس کے نتیجے میں کئی اموات ہوئی ہیں۔