وزیر خزانہ محمد اورنگزیب نے عالمی مالیاتی ادارہ سے مذاکرات سے قبل روپے کی قدر میں مزید کمی کو خارج از امکان قرار دیا ہے۔
واشنگٹن میں بلوم برگ ٹیم سے رائونڈ ٹیبل اجلاس میں بات چیت کرتے ہوئے انہوں نے کہا کہ روپے کی قدر میں کمی کا کوئی جواز نہیں کیونکہ پاکستان کے پاس ٹھوس زرمبادلہ کے ذخائر مستحکم کرنسی، بڑھتے ہوئے ترسیلات زر اور مستحکم برآمدات ہیں۔وزیر خزانہ نے کہا کہ حکومت صنعتوں، زراعت اور انفارمیشن ٹیکنالوجی کو مستحکم کرنے پر اپنی توجہ مرکوز کر رہی ہے تاکہ آنے والے سالوں میں قومی ترقی کو چار فیصد سے بڑھایا جائے۔
