نجکاری کے نگران وزیرفوادحسن فواد نے کہاہے کہ نجکاری کے عمل میں تیزی پاکستان کی پائیدار اقتصادی بحالی کے لئے ناگزیرہے۔ایک ٹوئیٹ میں وفاقی وزیرنے کہاکہ اسلام آباد میں وزیراعظم کے ساتھ ملاقات کے دوران میں نے پاکستان کے بہترین مفاد میں اپنی استعداد میں رہتے ہوئے ہرممکن کام کرنے کی یقین دہانی کرائی۔فوادحسن فواد نے کہاکہ وزیراعظم نے انہیں کہاکہ سرکاری شعبے کے نقصانات کم کرنے کے لئے ہرممکن کوشش کی جائے۔
