برطانیہ کی بری فوج کے سربراہ جنرل پیٹرک سینڈرز نے پاک فوج کی بے مثال پیشہ ورانہ صلاحیتوں کو سراہا ہے۔
وہ لندن میں کمانڈ اینڈ سٹاف کالج پاکستان سے فارغ التحصیل برطانوی افسران کی ایک تقریب سے خطاب کرتے کررہے تھے۔
برطانوی آرمی چیف نے کہا کہ پاکستانی فوج جنگی صلاحیتوں میں ماہر ہے اور ملکی دفاع کی صلاحیت اور شراکت دار ممالک کو بھرپور مدد فراہم کرنے کیلئے مشہور ہے۔
جنرل پیٹرک سینڈرز نے پاکستان کو دفاعی تعاون کے کئی شعبوں میں برطانوی فوج کی اولین ترجیح قرار دیا۔