اقتصادی امورکے وزیراحدخان چیمہ نے چین کے ساتھ دوطرفہ تعلقات کو فروغ دینے کے پاکستان کے عزم کااعادہ کیاہے۔وہ اسلام آباد میں چین کے انٹرنیشنل ڈویلپمنٹ کوآپریشن ایجنسی کے ایک وفد سے گفتگو کررہے تھے۔ملاقات کے دوران جاری اورمستقبل کے منصوبوں کے بارے میں دوطرفہ تعاون کے مختلف امور بالخصوص چین کی انٹرنیشنل ڈویلپمنٹ کوآپریشن ایجنسی کے مجموعی ترقیاتی منصوبوں ، چین پاکستان اقتصادی راہداری، سیلاب کے بعدتعمیرنو اوربحالی کے منصوبوں پر تبادلہ خیال کیاگیا۔فریقین نے مشترکہ خوشحالی کے حصول اورمستقبل میں فنی مشاورت کے ذریعے دوطرفہ تعاون کو تیز کرنے کی اہمیت پرزوردیا۔