ایران کے صدر ڈاکٹر ابراہیم رئیسی پاکستان کے دورے کے آخری مرحلے میں اپنے وفود کے ہمراہ کراچی پہنچے۔
مہمان صدر کا ائیرپورٹ پہنچنے پر سندھ کے گورنر کامران خان ٹیسوری، وزیراعلیٰ سید مراد علی شاہ اور دوسرے معززین نے زبردست خیرمقدم کیا۔
بعد میںایران کے صدر نے کراچی میں قائداعظم محمد علی جناح کے مزار کا دورہ کیا۔
انہوں نے مزار پر پھول چڑھائے، فاتحہ خوانی کی اور قائدانہ صلاحیتوں کے لئے پاکستان کے عظیم رہنما کو خراج عقیدت پیش کیا۔