فائل فوٹو
قومی تحفظ خوراک کے وفاقی وزیر رانا تنویر حسین نے کہا ہے کہ حکومت لائیو سٹاک کی برآمدات بڑھانے کیلئے پرعزم ہے کیونکہ اس شعبے کا ملک کی زرعی شرح نمو میں تقریباً باسٹھ فیصد حصہ ہے۔
آج(منگل) کو اسلام آباد میں لائیو سٹاک کے شعبے پر بریفنگ سے خطاب کرتے ہوئے وفاقی وزیر نے کہا کہ لائیو سٹاک کا شعبہ معیشت کیلئے بہت اہم ہے کیونکہ تقریباً اسی لاکھ خاندان اس شعبے سے وابستہ ہیں۔
رانا تنویر حسین نے کہا کہ دودھ کی پیداوار کے لحاظ سے پاکستان چوتھا بڑا ملک ہے اور ملک بھر کی دودھ اور گوشت کی ضروریات پورا کرنے کیلئے تمام ضروری اقدامات کرنا ہوں گے۔