وزیر خارجہ جلیل عباس جیلانی نے گروپ 77 اور چین کے وزرائے خارجہ کے 47 ویں سالانہ میں ’’بین الاقوامی مالیاتی ڈھانچے کی اصلاح کا راستہ‘‘ پر مکالمے میں پاکستان کے خیالات کا خاکہ پیش کیا۔

وزیر خارجہ نے کہا کہ گزشتہ تین سالوں میں ترقی پذیر ممالک کی معیشتیں کورونا وبا،ماحولیاتی آفات اور بڑھتے تنازعات کے باعث تباہ ہو چکی ہیں۔جلیل عباس نے ترقی پذیر ممالک کی مدد کے لیےبین الاقوامی مالیاتی ڈھانچے میں اصلاحات کے لیے گروپ 77 اور چین کے ذریعے ایکشن پلان کو اپنانے کی تجویز پیش کی۔ انہوں نے ان اصلاحات کی نگرانی اور ان پر عمل درآمد کے لیے اقوام متحدہ کے اندر میکانزم بنانے کی تجویز بھی دی۔