Thursday, 28 March 2024, 10:51:29 pm
ملک میں انتشار ،بے چینی پھیلانے والوں کو ناکامی ہوگی:شیخ رشید
June 24, 2021

وزیر داخلہ شیخ رشید احمد نے کہا ہے کہ ملک میں انتشار اور بے چینی پھیلانے کے خواہاں عناصر کو اپنے منصوبوں میں ناکامی کا منہ دیکھنا پڑے گا۔ لاہور کے علاقے جوہر ٹائون میں گزشتہ روز کے بم دھماکے سے متعلق ویڈیو بیان میں انہوں نے کہا کہ افغانستان کے ساتھ سرحد پر چھیاسی فیصد اور ایران کے ساتھ سرحد پر چھیالیس فیصد علاقے میں باڑ لگائی جاچکی ہے ۔ انہوں نے کہا کہ حکومت نے سیاسی اور اقتصادی استحکام حاصل کرلیا ہے اور یہ دشمنوں کیلئے قابل قبول نہیں ہے اس لئے وہ اس طرح کی تخریبی کارروائیاں کرتے ہیں تاہم وہ اپنے عزائم میں کامیاب نہیں ہوں گے۔ شیخ رشید نے کہا کہ جوہر ٹائون دھماکے کی تحقیقات کے سلسلے میں پنجاب پولیس کو شاندار کامیابی حاصل ہوئی ہے ۔