قدرتی آفات سے نمٹنے کے قومی ادارے کے ہنگامی امدادی مرکز نے کل سے جمعرات تک پنجاب اور سندھ میں گرج چمک کے ساتھ مزید بارشوں کی پیشگوئی کی ہے ۔

این ای او سی کے مطابق سندھ کے مختلف حصوں میں طاقتور سسٹم موجود ہے جو موسلا دھار بارشوں کا سبب بن سکتا ہے.

دوسری جانب خیبرپختونخوا کے قدرتی آفات سے نمٹنے کے ادارے نے صوبے کے مختلف حصوں میں کل سے بدھ تک گرج چمک اور تیز ہوائوں کے ساتھ بارشوں کا انتباہ جاری کیا ہے۔

پی ڈی ایم اے کاکنٹرول روم مکمل فعال ہے اور کسی بھی ہنگامی صورتحال میں 1700 پر رابطہ کیاجاسکتا ہے ۔