پاکستان پیپلز پارٹی کے وفد نے آج(اتوار) اسلام آباد میں وزیر اعظم محمد شہباز شریف سے ملاقات کی۔

وفد میں سابق وزیر اعظم راجہ پرویز اشرف ، سید نوید قمر ، سندھ کے وزیر اعلیٰ سید مراد علی شاہ اور شیری رحمان شامل تھے۔

انہوں نے ملاقات میں ملک کی مجموعی سیاسی صورتحال پر غور کیا اور اگلے مالی سال 25-2024 کے بجٹ پرتبادلہ خیال کیا۔

نائب وزیر اعظم اور وزیر خارجہ اسحاق ڈار ، منصوبہ بندی کے وفاقی وزیر احسن اقبال ، سیاسی امور کے بارے میں وزیر اعظم کے مشیر رانا ثناء اللہ اور قانون و انصاف کے وفاقی وزیر اعظم نذیر تارڑ بھی اس موقع پر موجود تھے۔