جاپان نے اپنے میزائل دفاعی نظام کو چوکس کردیا ہے اور کہا ہے کہ شمالی کوریا کی طرف سے داغے جانے والے اوراس کے علاقے کیلئے خطرہ بننے والے کسی بھی میزائل کو مارگرایا جائے گا ۔جاپان کے وزیراعظم FUMIO KISHIDA نے ٹوکیو میں صحافیوں سے گفتگو کرتے ہوئے کہاکہ شمالی کوریا کی طرف سے فائر کیاگیا کوئی بھی میزائل اقوام متحدہ کی سلامتی کونسل کی قراردادوں کی خلاف وزری ہوگی۔ جاپانی وزارت دفاع نے بھی ایک بیان میں کہاکہ ہم اپنی سرزمین پر فائر کئے گئے بیلسٹک اوردیگر اقسام کے میزائلوں کے خلاف مناسب اقدامات کریں گے۔