Tuesday, 05 March 2024, 08:57:43 am
ملک بھر میں500 سے زائد مراکز صحت کو فعال بنارہے ہیں،وزیر صحت
November 29, 2023

وزیر صحت ڈاکٹر ندیم جان نے کہا ہے کہ غیرسرکاری تنظیموں کے تعاون سے ملک بھر میں پانچ سو سے زائد غیرفعال صحت کے مراکز کو فعال بنایا جا رہا ہے۔

بدھ کے روز میانوالی میں ایک تقریب سے خطاب کرتے ہوئے انہوں نے کہا کہ سرکاری ہسپتالوں میں صحت کے نظام کو بہتر بنایا جائے گا اور صحت کارڈ کی سہولت بھی برقرار رکھی جائے گی۔

وزیر صحت نے پولیو وائرس کے خاتمے اور پاکستان کو پولیو فری ملک بنانے کے لئے اجتماعی کوششوں کی ضرورت پر زور دیا۔انہوں نے والدین اور معاشرے پر زور دیا ہے کہ وہ انسداد پولیو مہم کو کامیاب بنانے میں کلیدی کردار ادا کریں۔