پنجاب کی وزیراعلیٰ مریم نواز نے اقلیتوں کو ملک کی اہم برادری قرار دیتے ہوئے ان کے احترام اور فلاح و بہبود کا عزم ظاہرکیا ہے۔
انہوں نے یہ بات آج لاہور میں ہندؤں کے تہوار دیوالی کے حوالے سے منعقدہ ایک تقریب سے خطاب کرتے ہوئے کہی۔
انہوں نے کہا کہ صوبائی حکومت صوبے بھر میں بیس دسمبر کو مستحق خاندانوں کیلئے اقلیتی کارڈ کا اجرا کرے گی۔
مریم نواز نے ہندو برادری کو دیوالی کی مبارکباد دیتے ہوئے ہندوبرادری کے چودہ سو خاندانوں کو فی کس ڈیڑھ لاکھ روپے بطور تحفہ دینے کااعلان کیا۔
