وزیر داخلہ محسن نقوی نے سمگلنگ کی روک تھام کے لیے پاکستان کوسٹ گارڈز کو جدید خطوط پر استوار کرنے کا اعلان کیا ہے۔
یہ اعلان انہوں نے آج کراچی میں پاکستان کوسٹ گارڈز کے اجلاس کی صدارت کرتے ہوئے کیا۔
وزیر داخلہ نے کہا کہ کوسٹل گارڈز کا سمگلنگ پر قابو پانے میں سب سے اہم کردار ہے۔
دریں اثنا، انہوں نے گورنر سندھ کامران ٹیسوری سے ملاقات کے دوران ملک میں امن و امان برقرار رکھنے کے لیے تمام وسائل بروئے کار لانے کے عزم کا اظہار کیا۔
ملاقات میں قیام امن میں سیکیورٹی اداروں کے کردار اور باہمی دلچسپی کے دیگر امور پر تبادلہ خیال کیا گیا۔