اقوام متحدہ کے سیکرٹری جنرل انتوینوگوتریس نے بلوچستان کے ضلع مستونگ میں حملے کی شدید مذمت کی ہے۔

اقوام متحدہ کے ترجمان سٹیفن ڈیوجیرک نے نیویارک میں اقوام متحدہ کے ہیڈ کوارٹرزمیں معمول کی بریفنگ کے دوران ایک بیان میں کہا کہ اقوام متحدہ کے سربراہ نے متاثرہ خاندانوں سے دلی تعزیت کی ہے۔

انہوں نے بیان میں حکومت پاکستان پر زور دیا کہ وہ حملے کی تحقیقات کرائے اور اس میں ملوث عناصر کو انصاف کے کٹہرے میں لائے۔