File Photo

محصور غزہ پر گزشتہ چوبیس گھنٹے کے دوران اسرائیل کے جاری حملوں میں پینتیس فلسطینی شہید ہوگئے ہیں۔گزشتہ سال سات اکتوبر سے غزہ میں اسرائیل کی جارحیت کے نتیجے میں شہید فلسطینیوں کی تعداد اب تینتالیس ہزار تین سو سے زائد ہوگئی ہے۔

فلسطین کے محکمہ شہری دفاع نے کہا ہے کہ شمالی غزہ میں ایک لاکھ سے زائد افراد کو غذا، پانی اور ادویات میسر نہیں ہیں۔کمال ادوان ہسپتال کے ڈائریکٹر حسام ابو SAFIA نے کہا ہے کہ اسرائیلی فورسز نے ہسپتالوں میں بچوں کے شعبوں اور پانی کے ٹینکوں پر بمباری کی۔فلسطینی پناہ گزینوں کیلئے اقوام متحدہ کے امدادی ادارے کا کہنا ہے کہ اسرائیل نے لبنان کے علاقے طائر میں برج الشمالی کیمپ کے قریب اس کی تنصیبات کو نشانہ بنایا۔