انفارمیشن ٹیکنالوجی اور ٹیلی مواصلات کی وزیر مملکت شزا فاطمہ خواجہ نے مقامی کھیلوں کو فروغ دینے کیلئے Ignite-National Technology Fund کو ای سپورٹس کے مقابلے منعقد کرانے کی ہدایت کی ہے ۔

یہ ہدایت اسلام آباد میں آر اینڈ ڈی فنڈ پالیسی کمیٹی کے 45 ویں اجلاس کے موقع پر دی گئی ۔

کمیٹی نے مالی سال25-2024 کی دوسری سہ ماہی کیلئے کمپنی کو انسٹھ کروڑ نوے لاکھ روپے جاری کرنے کی منظوری دی ۔

شزا فاطمہ خواجہ نے IGNITE منصوبوں کا دورانیہ قلیل مدتی رکھنے پرزوردیا تاکہ ان کی بروقت تکمیل یقینی بنائی جاسکے ۔

انہوں نے کہاکہ ہرمنصوبے کا واضح نظام الاوقات ہوناچاہیے اور اسے مقررہ مدت کے اندر مکمل ہوناچاہیے ۔