خیبرپختونخوا میں گزشتہ چار روز کے دوران بارشوں کے باعث ہونے والے حادثات میں ستائیس افراد جاں بحق ہوگئے ہیں۔

خیبرپختونخوا کے ہنگامی امدادی ادارے کے مطابق صوبے میں شدید بارشوں کے باعث تینتیس گھر مکمل طور پر تباہ جبکہ انتیس گھروں کو جزوی طور پر نقصان پہنچا۔

بارشوں سے سب سے زیادہ متاثرہ اضلاع میں مالاکنڈ ، باجوڑ، پشاور ، خیبر، سوات، بنوں، لکی مروت، مردان، لوئر دیر اور چارسدہ شامل ہیں۔

ادھر خیبرپختونخوا کے وزیراعلیٰ علی امین گنڈاپور نے متعلقہ حکام کو بارش سے متاثرہ افراد میں امدادی سامان اور مالی امداد تقسیم کرنے کی ہدایت کی ہے۔