Saturday, 13 April 2024, 01:16:41 am
این ڈی ایم اے کا موسم بہار کی فرضی مشقوں کا انعقاد
March 04, 2024

 این ڈی ایم اے کی جانب سے قدرتی آفات اور ہنگامی صورتحال سے نمٹنے کے لیے قبل از وقت تیاری اور اقدامات کے تسلسل کو جاری رکھتے ہوئے قومی سطح کی دو روزہ فرضی مشقوں کا انعقاد کیا گیا۔ فرضی مشقیں کل تک نیشنل ڈیزاسٹر مینجمنٹ اتھارٹی کے ہیڈ کوارٹر میں جاری رہیں گی۔

فرضی مشقوں کا مقصد موسم بہار اور ابتدائی موسم سرما کے دوران ممکنہ ہنگامی صورتحال سے نمٹنے کی تیاری کو یقینی بنانا ہے۔

چیئرمین این ڈی ایم اے لیفٹیننٹ جنرل انعام حیدر ملک نے مشقوں کے افتتاحی سیشن کا آغاز کیا۔

مشقوں کے دوران تمام متعلقہ اداروں کو آفات سے نمٹنے کی تیاریوں کے جائزہ کے لیے موقع فراہم کیا گیا۔ آفات سے نمٹنے اور خطرے سے دوچار علاقوں کی حفاظت کو یقینی بنانے کے علاوہ بین الاقوا می اداروں کے ساتھ معاونتی دائرہ کار میں اضافے کے لیے بھی یہ مشقیں اہم کردار ادا کریں گی۔قدرتی آفا ت سے نمٹنے کے لیے تمام متعلقہ اداروں کے مابین موثر رابطے اور معاونت کی اہمیت پر بھی زور دیا گیا۔مشقوں کے دوران شرکاء کی جانب سے علاقائی اور قومی سطح کی آفات سے نمٹنے کے لیے اپنی حکمت عملی اور منصوبوں کو عمل میں لایا گیا۔