بلوچستان کے ضلع کیچ میں سکیورٹی فورسز نے خفیہ اطلاع پر کارروائی کی جس میں 2 دہشتگرد ہلاک ہوگئے۔

آئی ایس پی آر کے مطابق  کارروائی کے دوران سکیورٹی فورسز نے دہشت گردوں کے ٹھکانے کو مؤثر طریقے سے نشانہ بنایا۔

ہلاک ہونے والے دہشت گرد قانون نافذ کرنے والے اداروں اور معصوم شہریوں کے خلاف متعدد دہشت گردی کی کارروائیوں میں ملوث تھے۔

علاقے میں مزید دہشت گردوں کی موجودگی کے پیش نظر کلیئرنس آپریشن جاری ہے۔

بیان میں کہا گیا ہے کہ پاکستان کی مسلح افواج قوم کے ساتھ مل کر بلوچستان میں امن، استحکام اور ترقی کے خلاف تمام مذموم عزائم ناکام بنانے کے لیے پرعزم ہیں۔