حکومت پنجاب نے صوبہ میں پولیس افسروں کی کارکردگی جانچنے کیلئے کلیدی کارکردگی اشاریے متعارف کرائے ہیں۔
اس بات کا اعلان وزیراعلیٰ مریم نواز شریف نے لاہور میں صوبہ بھر کے پولیس افسروں کیساتھ ایک اجلاس میں کیا۔
اس نظام کی نمایاں خصوصیات بتاتے ہوئے انہوں نے کہا کہ کلیدی کارکردگی اشاریوں میں عوامی شکایات نمٹانے، ایف آئی آرز کا اندراج، نوگوایریاز کا خاتمہ اور مثالی کارکردگی کا مظاہرہ شامل ہوں گے۔
