Sunday, 19 September 2021, 09:38:30 pm
حکومت سگریٹوں پر ٹیکس میں اضافے کیلئے ضروری اقدامات کریگی، علی محمد خان
August 05, 2021

فائل فوٹو

پارلیمانی امور کے وزیر مملکت علی محمد خان نے کہا ہے کہ حکومت سگریٹوں پرٹیکس میں اضافے کیلئے تمام متعلقہ قوانین پرعملدرآمد یقینی بنانے کی غرض سے تمام ضروری اقدامات کرے گی۔

جمعرات کے روز اسلام آباد میں ایک سیمینار سے خطاب کرتے ہوئے انہوں نے کہاکہ صحت سے متعلق حکمت عملی کی تشکیل نو سے معاشرے کے محروم افراد کو زیادہ فائدہ ہوگا اور صحت کی مجموعی صورتحال میں بہتری ہوگی جو وقت کا تقاضا ہے ۔وزیرمملکت نے کہاکہ حکومت تمباکو کے نقصان دہ اثرات سے پاکستانی بچوں کو محفوظ رکھنے کیلئے تمباکو کی بڑی صنعتوں کی طرف سے درپیش تمام چیلنجوں پرقابو پالے گی انہوں نے سگریٹ نوشی کے خلاف میڈیا پرآگاہی مہم چلانے کی ضرورت پر زوردیا ۔