بلوچستان کے وزیراعلیٰ میر سرفراز بگٹی نے کہا ہے کہ صوبائی حکومت بجلی کی کمی کو متبادل ذرائع سے پورا کرنے کیلئے اقدامات کررہی ہے۔

انہوں نے کوئٹہ میں ایک تقریب سے خطاب کرتے ہوئے چین پاکستان اقتصادی راہ داری کے تحت سولر ہوم سسٹم کی فراہمی پر چین کا شکریہ ادا کیاا ور کہا کہ اس سے عوام کے مسائل حل ہونگے۔

وزیراعلیٰ نے کہا کہ حکومت نے سولر سسٹم کی تنصیب شفافیت سے کی ہے ان کا کہنا تھا کہ اس منصوبے کے لئے چالیس کروڑ روپے مختص کئے گئے ہیں۔انہوں نے گوادر کے پانچ ہزار گھروں کو یہ سہولت مہیا کرنے کی ہدایت کی۔