بنگلہ دیش کے صدر محمد شہاب الدین نے پرتشدد مظاہروں کے نتیجے میں شیخ حسینہ کے استعفیٰ کے بعد امور مملکت کو چلانے کیلئے عبوری حکومت کے قیام کا فیصلہ کیا ہے۔

یہ فیصلہ ڈھاکہ میں ایوان صدر میں ایک اجلاس کے دوران کیا گیا۔ بنگلہ دیش کے آرمی چیف جنرل WAKER-UZ-ZAMAN اور بی این پی اور جماعت اسلامی سمیت اپوزیشن جماعتوں کے متعدد رہنماؤں نے ا جلاس میں شرکت کی۔

اجلاس میں طلباء کے احتجاجی مظاہروں کے دوران گرفتار کئے گئے تمام افراد کی فوری رہائی کا بھی فیصلہ کیا گیا۔

صدر محمد شہاب الدین نے سابق وزیراعظم اور اہم اپوزیشن رہنماء خالدہ ضیاء کی رہائی کا بھی حکم دیا۔

ادھر ایک ویڈیو پیغام میں تعصب مخالف طلباء تحریک کے رابطہ کاروں نے نوبل انعام یافتہ ڈاکٹر محمد یونس کی سربراہی میں عبوری حکومت کے خاکے کا اعلان کیا۔