بحری امور کے وزیر قیصر احمد شیخ نے چینی کمپنیوں کو پاکستان کے سمندری امورکے شعبے میں سرمایہ کاری کی دعوت دی ہے۔
وہ چین کے اعلیٰ سطح کے وفد سے گفتگو کررہے تھے جس نے اسلام آباد میں ان سے ملاقات کی۔
وفاقی وزیر نے پاکستان اور چین کے درمیان سمندری شعبے میں دوطرفہ تعاون کو وسعت دینے کی اہمیت کا اظہار کیا جس میں باہمی ترقی کے بے پناہ امکانات موجود ہیں۔
انہوں نے بنیادی ڈھانچے، توانائی اور صنعتی تعاون پر چین پاکستان اقتصادی راہداری کے تبدیلی کے اثرات پر زور دیتے ہوئے پاکستان کی ترقی میں چین کے اہم کردار کوسراہا۔
