امریکی ریاست کیلی فورنیا کی قانون ساز اسمبلی کے ایوان بالا نےامریکہ میں سفیر پاکستان مسعود خان  کے جنوبی کیلی فورنیا کے پہلے دورے کے موقع پر پاکستان، کیلیفورنیا اور  امریکہ کے مابین تجارت، ثقافتی تبادلوں اور خیر سگالی کو فروغ دینے کے حوالے سے ان کی کوششوں کے اعتراف میں سند سے نوازا۔

 سند پر تحریر شدہ عبارت میں لکھا گیا ہے کہہمارے دونوں ممالک کے درمیان تعلقات مضبوط ہیں، اور اس خطے کی خوشحالی اور ثقافتی زندگی میں پاکستانی امریکی کمیونٹی کی خدمات انتہائی قابل تعریف ہیں۔ 

کیلیفورنیا سٹیٹ سینیٹ کی جانب سے  ہم اس اہم کام کو جاری رکھنے کے لیے آپ کے اور آپ کے دفتر کے ساتھ مل کر کام کرنے کے خواہاں ہیں  اور آپ کے دورے کے موقع پر آپ کا پرتپاک خیرمقدم کرنے کے ساتھ ساتھ آپ کی مسلسل کامیابی کے لیے نیک خواہشات کا اظہار کرتے ہیں۔