Monday, 27 May 2024, 01:43:28 am
رفح میں اسرائیلی جارحیت کوہرقیمت پرروکناہوگا،اقوام متحدہ
May 13, 2024

اقوام متحدہ کے سیکرٹری جنرل اور انسانی حقوق کے ادارے کے سربراہ نے غزہ کے گنجان آباد جنوبی علاقے میں تباہ کن نتائج کے بارے میں خبردار کرتے ہوئے کہا ہے کہ رفح میں بڑے پیمانے پر اسرائیلی جارحیت کو ہر قیمت پر روکنا ہو گا۔

یہ انتباہ ایسے موقع پر جاری کیا گیا ہے جب اقوام متحدہ کے فلسطینی پناہ گزین ادارے UNRWA کی جانب سے ایک رپورٹ میں بتایا گیا ہے کہ گزشتہ ہفتے اسرائیلی فوج کی طرف سے غزہ سے مزید انخلاء کے احکامات کے نتیجے میں تقریباً تیس ہزار افراد رفح سے جا چکے ہیں۔

جنیوا میں انسانی حقوق کے بارے میں اقوام متحدہ کے ہائی کمشنر VOLKER TURK نے کہا کہ غزہ میں اسرائیلی افواج کے شدید فضائی حملوں کی وجہ سے حالات تیزی سے خراب ہونے پر ادارے کو شدید تشویش لاحق ہے۔