وزیراعلیٰ پنجاب مریم نوازشریف نے شمسی پینلز کی تقسیم یوم آزادی کے موقع پر شروع کرنے کا اعلان کیا ہے۔

حکومت پنجاب نے شمسی پینلز کی فراہمی کی سکیم کو حتمی شکل دیدی ہے، شمسی پینلز کی تقسیم بینکوں کے ذریعے کی جائے گی۔

دوسو یونٹ سے کم بجلی خرچ کرنے والے صارفین چودہ اگست سے مفت شمسی پینلز حاصل کرسکیں گے۔

دوسو سے پانچ سو یونٹ تک بجلی استعمال کرنے والے شہری دس فیصد قیمت کی ادائیگی کے ساتھ شمسی پینلز حاصل کرسکیں گے جبکہ باقی نوے فیصد قیمت حکومت ادا کرے گی۔

انہوں نے کہاکہ ادائیگی بلاسود پانچ سال میں کی جائے گی۔

وزیراعلیٰ مریم نواز نے کہا کہ شمسی پینلز کی فراہمی سے عوام کے بجلی کے بلوں میں چالیس فیصد تک کمی آئے گی۔