محکمہ زراعت پنجاب نے کپاس کے کاشتکاروں کو مشورہ دیا ہے کہ وہ بارشوں کے دوران فصل کی حفاظت کے حوالے سے خصوصی انتظامات یقینی بنائیں۔
زرعی شعبہ کے ترجمان نے کہا ہے کہ معمول سے زیادہ بارشوں کے کپاس کی فصل پر اچھے اثرات مرتب نہیں ہوئے۔
انہوں نے کہا کہ اگر چوبیس گھنٹوں سے زائد بارش کا پانی کپاس کی فصل میں کھڑا رہے تو یہ اس کے لئے نقصان کا باعث بنتا ہے۔
ترجمان نے کہا کہ زیادہ بارشوں کی صورت میں کسانوں کو فصل سے بارش کے پانی کے اخراج کیلئے مناسب انتظامات کرنے چاہئیں۔
