پنجاب کے ناگہانی آفات سے نمٹنے کے ادارے نے کل سے اس ماہ کی20 تاریخ تک صوبے کے بالائی علاقوں میں گرج چمک کے ساتھ بارش کا امکان ظاہر کیا ہے۔

پی ڈی ایم اے کے ترجمان نے آج ایک بیا ن میں کہا کہ اس ماہ کی سترہ سے انیس تاریخ تک پنجاب کے مختلف اضلاع کے دریاؤں اور نہروں میں پانی کے تیز بہاؤ کا امکان ہے۔

انہوں نے کہا کہ نا گہانی آفات سے نمٹنے کے صوبائی ادارے نے تمام اضلاع کی انتظامیہ کو خبردار کیا ہے اور شہریوں پر زور دیا ہے کہ وہ کسی بھی ہنگامی صورتحال میں ہیلپ لائن 1129 پر رابطہ کریں۔