کابینہ کی اقتصادی رابطہ کمیٹی نے آزاد جموں و کشمیر حکومت کیلئے تئیس ارب روپے کی اضافی گرانٹ کی فراہمی کی منظوری دے دی ہے۔
یہ منظوری اسلام آباد میں وزیر خزانہ و محصولات محمد اورنگزیب کی زیر صدارت کابینہ کی اقتصادی رابطہ کمیٹی کے اجلاس میں دی گئی۔
اس تکنیکی ضمنی گرانٹ کی منظوری وزارت امور کشمیر و گلگت بلتستان کی تجویز پر دی گئی ہے۔
وزارتِ امور کشمیر و گلگت بلتستان کے سیکرٹری نے کمیٹی کو بتایا کہ پیر کو ہونے والے ا علیٰ سطح کے اجلاس میں وزیراعظم شہباز شریف نے آزاد جموں و کشمیر کی حکومت کو اضافی تئیس ارب روپے فراہم کرنے کی منظوری دی تھی۔
