سیکیورٹی فورسز نے ضلع ڈیرہ اسماعیل خان کے علاقے مڈی میں خفیہ اطلاع کی بنیاد پر ایک کارروائی میں چار خوارج کو ہلاک کر دیا۔

سیکیورٹی فورسز نے خوارج کی موجودگی کی اطلاع پر آپریشن کے دوران موثر طریقے سے خوارج کے ٹھکانے کو نشانہ بنایا۔

تاہم شدید فائرنگ کے تبادلے کے دوران، وطن کا ایک بہادر جوان، سپاہی باسط صدیق نے بہادری سے لڑتے ہوئے جام شہادت نوش کیا۔

ہلاک شدہ خوارج سے اسلحہ اور گولہ بارود بھی برآمد کیا گیا جو علاقے میں متعدد دہشت گرد سرگرمیوں میں استعمال ہوا تھا۔

پاکستان کی سیکیورٹی فورسز ملک سے دہشت گردی کے ناسور کو جڑ سے ختم کرنے کے لیے پُرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں