بھارت کے غیرقانونی زیرقبضہ جموں وکشمیرکے ضلع اسلام آباد میں بھارتی فوج کے ہاتھوں شہید ہونے والے ایک کشمیری نوجوان کی مسخ شدہ لاش ملی ہے۔کشمیرمیڈیا سروس کے مطابق لاش Gadoolکے علاقے سے برآمد ہوئی جہاں مسلسل پانچویں روزمحاصرے اورتلاشی کی کارروائی کی گئی۔بھارتی فوج نے کارروائی کے دوران ڈرون میزائل ،راکٹوں اوردیگرجدیدہتھیاروں کا استعمال کیا۔شہیدہونے والے شخص کی فوری طورپرشناخت نہیں ہوسکی۔