مذہبی امور اور بین المذاہب ہم آہنگی کے وزیر سردار محمد یوسف نے عازمین حج کیلئے تمام ممکنہ انتظامات یقینی بنانے کیلئے حکومتی عزم کا اعادہ کیا ہے۔

انہوں نے اسلام آباد میں سالانہ حج کانفرنس سے خطاب کرتے ہوئے کہاکہ وزارت نے اس سال بھی شاندار انتظامات کئے ہیں اوراس سلسلے میں کسی قسم کی کوتاہی برداشت نہیں کی جائے گی۔

وفاقی وزیر نے کہاکہ انہوں نے وزیراعظم شہبازشریف کی ہدایت پر حج انتظامات کاجائزہ لینے کیلئے سعودی عرب کا دورہ کیا جو اﷲ تعالی کے مہمانوں کوسہولت فراہم کرنے میں گہری دلچسپی لے رہے ہیں۔

پاکستان علمائے کونسل کے چیئرمین حافظ طاہر محمود اشرفی نے اس موقع پر اظہار خیال کرتے ہوئے عازمین پر زوردیاکہ وہ سعودی قوانین کی پاسداری کریں۔

ادھر وزیر مذہبی امور نے آج اسلام آباد میں حج معاونین کے اختتامی تربیتی اجلاس سے خطاب کرتے ہوئے اﷲ تعالی کے مہمانوں کو بہترین خدمات کی فراہمی پر زوردیا۔