پاکستان اور روانڈا نے تجارت، سرمایہ کاری، دفاع، سفارتکاری اورباہمی عوامی روابط کے شعبوں میں تعاون کو وسعت دینے پر اتفاق کیا ہے۔

یہ اتفاق رائے نائب وزیراعظم اسحاق ڈار اور روانڈا کے وزیر خارجہ OLIVIER JEAN PATRICK NDHUNGIREHE کے درمیان آج اسلام آباد میں ملاقات کے دوران ہوا۔

فریقین نے دوطرفہ تعلقات کے تمام پہلوئوں پر تفصیلی تبادلہ خیال کیا۔

بعد میں نائب وزیراعظم اسحاق ڈار نے ایک مشترکہ پریس کانفرنس سے خطاب کرتے ہوئے کہا کہ انہوں نے بات چیت کے دوران موجودہ تعلقات کو مزید مستحکم کرنے اور تعاون کی نئی راہیں تلاش کرنے پر توجہ مرکوز کی۔

اسحاق ڈار نے کہا کہ دونوں جانب سے سفارتی تربیت کے شعبے میں ایک مفاہمتی یادداشت پر بھی دستخط کئے گئے۔

روانڈا کے وزیر خارجہ نے اس موقع پر کہا کہ پاکستان اور روانڈا کا عالمی امن کیلئے مشترکہ عزم ہے۔

انہوں نے کہاکہ دونوں ملک اقوام متحدہ کے امن مشنز میں فوجی بھیجنے والے پانچ بڑے ممالک میں شامل ہیں۔