Sunday, 14 July 2024, 03:35:49 pm
حکومت ملک میں انفارمیشن اور کمیونیکشن ٹیکنالوجی کی ترقی کیلئے موثر اقدامات کر رہی ہے،شزہ فاطمہ
June 21, 2024

انفار میشن ٹیکنالوجی اور ٹیلی مواصلات کی وزیر مملکت شزہ فاطمہ نے کہا ہے کہ حکومت ملک میں انفارمیشن اور کمیونیکشن ٹیکنالوجی کی ترقی کیلئے موثر اقدامات کر رہی ہے۔

وہ پاکستان کیلئے ہواوے کے چیف ایگزیکٹو ETHAN SUN سے اسلام آباد میں گفتگو کر رہی تھیں۔

ملاقات کے دوران ڈیجیٹلائزیشن، آئی ٹی اور ٹیلی کام انفراسٹرکچر اور ہنر سکھانے کے اُمور پر بھی تبادلہ خیال کیا گیا۔

انہوں نے کہا کہ وزیراعظم پاکستان کے تصور کے تحت نوجوانوں کو انفارمیشن ٹیکنالوجی کی تربیت دی جا رہی ہے۔

شزہ فاطمہ نے کہا کہ حکومت چاہتی ہے کہ کاروبار کے آسان آغاز اور شہریوں کو فوری خدمات کی فراہمی میں ہواوے تعاون کرے۔