وزیرداخلہ محسن نقوی نے خیبرپختونخوا میں امن وامان برقراررکھنے کیلئے تمام ممکنہ اقدامات کرنے کا عزم ظاہر کیا ہے ۔
وہ پشاور میں قومی وطن پارٹی کے چیئرمین آفتاب احمد خان شیر پاو سے گفتگو کررہے تھے۔
ملاقات میں دونوں رہنماوں نے ملک میں امن وامان اور مجموعی صورتحال پرتبادلہ خیال کیا۔
وزیر داخلہ نے ان سے گفتگو کرتے ہوئے کہا کہ اپیکس کمیٹی کے اجلاس کے دوران خیبرپختونخوا خصوصاً کُرم میں امن کے قیام کیلئے اہم فیصلے کیے گئے۔
وزیرداخلہ نے خیبرپختونخوا خصوصاً کرم میں پائیدار امن کے قیام کیلئے کئے گئے اقدامات پر آفتاب احمد خان شیر پاو کی تعریف کی۔
انہوں نے اس بات پر زوردیا کہ کرُم ایجنسی کا مسئلہ ایک انتہائی حساس معاملہ ہے اور کسی پارٹی یا گروپ کو اس پر سیاست کرنے سے گریز کرنا چاہیے ۔
