پنجاب کی وزیراعلی مریم نوازشریف نے متوسط طبقے کو ریلیف فراہم کرنے کی حکومتی خواہش کا اظہار کیا ہے۔
انہوں نے آج لاہور میں پنجاب اسمبلی کے اسپیکر ملک محمد احمد خان سے ایک ملاقات کے دوران مہنگائی سے نمٹنے اور نادار طبقے پرمعاشی بوجھ کم کرنے کے عزم کا اعادہ کیا۔
دونوں رہنمائوں نے موجودہ سیاسی منظر نامے، جاری ترقیاتی منصوبوں اور صوبائی اسمبلی سے متعلق امور پر تبادلہ خیال کیا۔
اس موقع پر اسپیکر ملک محمد احمد خان نے سرطان کے پہلے سرکاری ہسپتال، نواز شریف آئی ٹی سٹی ای بائیکس ، شمسی توانائی کے پینلز اور فضائی ایمبولینس متعارف کروانے سمیت حکومت کے اقدامات کو سراہا ۔
