اطلاعات ونشریات کے وزیرچودھری فوادحسین نے الیکشن کمیشن پرزوردیاہے کہ وہ آئندہ بلدیاتی اورضمنی انتخابات الیکٹرانک ووٹنگ مشینوں کے ذریعے منعقدکرانے کے لئے اقدامات کرے۔اسلا م آبادمیں وفاقی کابینہ کے اجلاس کے بعدصحافیوں کوبریفنگ دیتے ہوئے انہوں نے کہاکہ اس طرح نہ صرف انتخابی عمل کی خامیوں پرقابوپانے میں مدد ملے گی بلکہ الیکٹرانک ووٹنگ مشینوں پرعوام کااعتمادبھی مستحکم ہوگا۔وفاقی وزیرنے کہاکہ اس طرح بالآخرآئندہ عام انتخابات میں اس مشین کااستعمال یقینی بنے گا۔انہوں نے کہاکہ حکومت آئی ووٹنگ متعارف کراکے تقریباً پچاسی لاکھ بیرون ملک مقیم پاکستانیوں کوووٹ کاحق دینے کے لئے پُرعزم ہے۔وزیراطلاعات نے کہاکہ کابینہ نے ملک میں گندم کی بڑھتی ہوئی طلب کو پورا کرنے کے لئے دس لاکھ میٹرک ٹن گندم درآمدکرنے کی اجازت دی ہے۔انہوں نے کہاکہ حکومت پہلے ہی مزیدتیس لاکھ میٹرک ٹن گندم درآمدکرنے کی اجازت دے چکی ہے۔