فائل فوٹو
سائنس اور ٹیکنالوجی کے وفاقی وزیر فواد چودھری نے کہا ہے کہ حکومت معیشت کی ترقی، آلودگی میں کمی اور ٹرانسپورٹ کے شعبے میں روزگار کے مواقع پیدا کرنے کیلئے برقی گاڑیوں کی پالیسی پر کامیاب عملدرآمد کیلئے جلد ایک طریقہ کار کو حتمی شکل دے گی۔
انہوں نے ایک نجی نیوز چینل سے گفتگو کرتے ہوئے کہا کہ نئی پالیسی کے تحت عوام کیلئے ارزاں ٹرانسپورٹ سہولتوں کا حصول ممکن ہوگا۔ ایک سوال کے جواب میں انہوں نے کہا کہ چین نے رواں ماہ کے اختتام تک کورونا ویکسین کی پانچ لاکھ خوراکیں فراہم کرنے کا وعدہ کیا ہے۔