برطانیہ کے بوہو گروپ نے نامیاتی کپاس سے ملبوسات کی تیاری سمیت رسد کی ایک جامع زنجیر پیدا کرنے کیلئے پاکستان کے ساتھ طویل مدتی خریداری روابط قائم کرنے میں گہری دلچسپی ظاہر کی ہے۔

اس دلچسپی کا اظہار بوہو گروپ کے چیئرمین عبداللہ Kamani نے نگران وزیراعظم انوار الحق کاکڑ کے ساتھ آج(پیر) کو لندن میں ایک ملاقات میں کیا۔

انہوں نے پاکستان سے درآمدات میں اضافے میں سہولت کیلئے پاکستان اور برطانیہ کے درمیان پروازوں میں اضافے کی امید ظاہر کی۔

وزیراعظم نے سرمایہ کاری میں سہولت فراہم کرنے کے پاکستان کے عزم سے آگاہ کیا اور ملک خصوصاً خصوصی اقتصادی زونز میں صنعتوں کے قیام میں حمایت کی پیشکش کی۔

علاوہ ازیں انہوں نے بوہو گروپ پر پاکستان میں خریداری مراکز کھولنے پر غور کرنے پر زور دیا۔ انہوں نے بوہو گروپ کو یہ دعوت بھی دی کہ وہ تعاون کو فروغ دینے کیلئے ایک وفد پاکستان بھیجے۔