فرانس کے صدر ایمانوئیل میکرون نے نائیجر میں جولائی میں فوجی بغاوت کے تناظر میں وہاں سے اپنا سفیر اور فوج واپس بلانے کا اعلان کر دیا ہے۔

انہوں نے ایک ٹیلی ویژن انٹرویو میں کہا کہ ہمارا سفیر اور سفارتی عملہ گھر پر رہے گا جبکہ پندرہ سو فرانسیسی فوجی آئندہ مہینوں میں نائیجر سے واپس بلا لئے جائیں گے اور سال کے آخر تک انخلاء مکمل ہو جائے گا۔ادھر نائیجر کے فوجی حکمرانوں نے اعلان کو خوش آئند قرار دیتے ہوئے کہا ہے کہ فرانس کے فوجی دستوں کے انخلاء سے ہماری خود مختاری مضبوط ہو گی۔