وزیرداخلہ محسن نقوی نے بشام دہشت گرد حملے کے مجرموں کو کیفرکردار تک پہنچانے کیلئے حکومت کے عزم کااظہارکیا ہے ۔
انہوں نے یہ بات اسلام آباد میں چینی سفارتخانے میں چین کی خصوصی تحقیقاتی ٹیم سے گفتگو کرتے ہوئے کہی ۔
وزیرداخلہ نے چینی تحقیقاتی ٹیم کو واقعے کی تحقیقات میں اب تک کی پیشرفت سے آگاہ کیا ۔اس موقع پر چینی شہریوں کی حفاظت اور مجموعی سکیورٹی کے امور بھی زیر بحث آئے ۔وزیرداخلہ نے چینی سفیر سے بھی ملاقات کی اورانھیں بشام واقعے کی تحقیقات پر پیشرفت کے بارے میں بتایا ۔
