وزیراعظم شہبازشریف نے مقبوضہ فلسطینی علاقے میں اقوام متحدہ کے امدادی ادارے کی کارروائیوں میں رکاوٹیں پیدا کرنے سے متعلق اسرائیلی اقدامات کی شدید مذمت کی ہے۔
انہوں نے سوشل میڈیا پلیٹ فارم ایکس پر ایک پوسٹ میں کہا کہ اسرائیل لاکھوں بے یارومددگار فلسطینیوں کیلئے امدادی سامان کی فراہمی میں رکاوٹیں پیدا کرکے بین الاقوامی انسانی قوانین اور اقوام متحدہ کے منشور کی کھلی خلاف ورزی کررہا ہے۔
انہوں نے کہا کہ عالمی برادری کو چاہیے کہ وہ اسرائیل کو اس کے اقدامات پر جواب دہ بنائے۔
