پنجاب کی وزیراعلیٰ مریم نواز شریف نے کہا ہے کہ صوبے کے ہر شہر اور گاؤں کی ترقی اور بہتری ان کی حکومت کا مشن ہے۔
وہ آج لاہور میں پاکپتن سے تعلق رکھنے والے ارکان پنجاب اسمبلی کے ایک وفد سے گفتگو کر رہی تھیں۔
وزیراعلیٰ نے کہا کہ وہ پنجاب کو ایک بہتر اور زیادہ ترقی یافتہ صوبہ بنانے کے لیے ترقیاتی منصوبوں کی خود نگرانی کر رہی ہیں۔
انہوں نے منتخب نمائندوں کو ہدایت کی کہ تمام جاری ترقیاتی منصوبوں کے معیار، رفتار اور شفافیت کی کڑی نگرانی کی جائے۔
